Chichasta uchigmijai, nawanjumjai wajina unuimagtasaya wakegawa, machik wajinajanamuanuiyanash, Nugka tuke auwanunu ishamain nagkebaunakesh, tagkujinkesh, aga ajak ajakmamunun nampish wekaegu wainkamunakesh, nuigtu tikish adaijamaush weantunashkam. Jumamtinun dekas tsejen diistajai takuig, inimainai nuna diyakush niish wajina unuimagtatu nunu; uchijuijai, nawanjuijai anentaimtumainai tseje chichauwaitkuish ¿wajiya inimainit nunu? Juju ainaunas iniasaintagtai tusua anentaimtumainai ¿wajinak yuwaita?, ¿tuig pujuwaita?, ¿wajuk antugdaiyawaki?, ¿wajuk jeenash jegamua?, nuigtu tikish aidau pachisa. Yabai nii inibauji aidau shiig anentsam jikattsam antugkata. Dekaskea nuna inimchau antukumek, niijai chichakum iniasta nigki dewamujin ejeyi yapagmaina nunu.
Segata dekas niña papijin agagti ashi inima nuna, tuja agatan dekashkuig, nii agamaina nunu ame agatjata
Segata inibau aina nuna aikti, Shiig antumainun ayashkuishkam duka puyatjukaipa, pegkeja duka nii ayamun ujapakti tabauwa nunuwai, nuniak dekattawia dekas shijash aika, atsa dewakeash nunak.
Ashi inibaujin umikmatai, nijai chichasta nunash wajuk ejetatua juju aimkatnunash nunu pachisam, anentaimtug diisti, wajuk aimainaita nuna, dutikak papijin agagti nii adaibaun:
1. Waji aidauna atsumtatua nuna ejetashash, jumamtinun lupan Shiig distinun atsumawai.
2. Esanti aidau dekapamainun, jumamtinun cinta metrican, tseje iñashi dekapatnun, antsag jeenashkam.
3. Kuitamjumas pujusa tsejen Shiig anentaimtus diimaina nuna.
4. Tseje pujutaiji kuashta awagki diimaina nunu diisa egamainai, aniashkuish Shiig egkea apusa diimana nunu egamainai.
Takasagmi: Dekas jujuwai amina uchijum, nawanjum imanun dutikatta nunu, wagki machik waji najanamuanuiyanash, Nugka tuke auwanunu ishamain nagkebaunakesh, tagkujinkesh, aga ajak ajakmamunun nampish wekaegu wainkamunakesh aidau autustasa umikbauwa nunu dekas yabai takastin asa.
Machik ayamku batsatkujum, chichastajum wajuk dekattajume dekas autustasa etejamu dusha. Diyaku pujusjum paigmin agagtajum dekas atum iman waibauwa nunu, nuniashkughmes najantajun makichik cuadro de doble entrada tutaiya nunu. Wakegamua duka uchijum, nawanjumjai wajukag ashi shiig dita waimbaujin agag yajuakanum tabauwa nunuwai, takasa emam tikish inimsa dekamainush jinmainai, dushakam agagtajum, dutikaku dekas shiig umiktatjume ashi anetaituja diisbauwa nunu.
Takasmi tusa mamikmamunum shiig iniimsam papigmin agajam jukita,
nuniashkumes dita jegantan autusmi tibauwa nuna iniimas agag
jukitnume.
Uyuntsata agaja yajuakbaujin aujus diinakui, duka taku taji, diita jeganta diisa
wainkamujin apatuk diisagtatui agaja jukimujai, nunu apatka diisbauwa nunui
wainkagtatui dekas tuwaita dekaskea nuna iwainaush dita dekatasa wakegamua
nunash, dekatkau waikamua nuwashit atsa agaja jukimua nuwashit nuna. Nagkanku
atumainakme yacha aidau agagbau aina nujai apatuk diisti tusam. Jui diimainai
(Libro, internet aina nunui.)
Shiig pegkeg amaina duka, autusa diyamu inagnakum, ame uchijum aidaujai
ashi autusa diisam wainkam unuimajujum nunu pachisam, amina jemin ashi
ijunja batsamtaijum aina nunu, nuigtu kumpajum adau WhatsApp, correo
electrónico tutaiya nunui ujakum,
“Jega juwatka, anentaimtusam autakum shiig pegkeg
pujustatme”
El texto se puede descargar en el siguiente link👉:JEGA PUJUSAN TISHIPSAN INIMSAN TAKAJAI
Traducción : Mariela Senug Yaun Diaz
Especialista EIB DRE Amazonas
Dirección de Gestión Pedagógica
Elver Puerta Salazar
Director
No hay comentarios.:
Publicar un comentario