PAPI WASUGKAMKI TAKASTIN MUUN UCHIGTIN AIDAUJAI

Dukug, apag uchigtin aidau, juu tsawanta juik utugchak muun nagkaeji, antsag dekammamji wajuk juu utugchadusha nagkemainata. Juu utugchata juka ashi ijuntuja yainika wegakuik depetkattaji, ima jutii numnukechu, ina uchiji pipich aina dushakam ayamjuktatji.

Jutii jintinkagtin aidautik dekaji atum muuntinmesh dekas atsumtai ainajum nuna uchi unuimamunmak. Dekaji maki, makichik uchi aujak jardinnum atsa pronoeinum kauna duka dekas apaji shiig anentsampa awemawa ausati tau asa taji, nunin asajampa jeenish papi aujus taamtaish yainawapi taji. Nunin asamtai, juu tsawanta nui inagkatjame takastin aidaun amina uchigmijai. Uchigmijai takakum aan senchi wainkattame wajupa takamainita uchigmesh, amejai takakush wajuk dekapeawa, jegaya takatai aidaunash ashi dekawak, tuna eke enuimatsua, wajuk jintinmainitme jutii takatai aiudaun unuimaju atii takumesh,  aatus wasugkamkim takastatme nijai jutii takatai aidau jintinkum. Tsawam imachik sumasata uchigmijai takastasamek. Jui ukugjame wajuk takastatme uchigmijai.

Eke uchigmijai takaskatkum shiig ausata waji takastatme, nunikam ujajatkattame takasbaujum, dekas shiig pegkeg atin amainai.

Uchijum uyuntsata maki makichik takatnum, nii unuimamunum shiig aneasam, emetmamsam; anenkajum aputusam takasta, juu tsawanta nuwai amina uchijum aan senchi yununkatin aminai, nuniakum wainkattame shiig uchuchijum.

§     Tuke tsawantai yainta pegakjin ainkati, uwejin, yapin nijagti, antsag temashmagti yujumkan yuwattak.

§     Uwejin nijagti jabón, yumijai yujumkan yuwattak, kuchija wemataish uwejun nijagta tita.

§     Uchijum yujumkan yuwamtai yaigta dai dijamu.

§     Jeemin agkan egatkata ima uchinuk, nui wasugkamtaiji aidu ijutjata, tikish waji nii wakejus wasugkamain aidaujai, ainka pujumain aeptusta, numi tsupigbau aputusta, yakatai aidau ajakuik dushakam aputusta, papi pujushkam dakumkatin, usuatin aidau, juu agkanta duka uchin yaintatui ijumsa ukutan nuintush shiig aneas juwagtatui eme anentsan dukug, apag aidaus diijuinawa tusa.

§     Tsawan mamikjata juu cartilla takastin, antsamek tsawan sumamsata uchigmijai takastin.

§     Jikattsam diista uchigmesh wajukeawa takamunmash, wagkapa jintinkagtin pachiashbau untsugmaktatui amejai chichastatus, aniashkush uchigmijai dekatatus wajuk wegawa uchish, nuwigtush waimpagtatui ame utujiamunum.

§     Uchijum usuamu, dakumkamu, ejesmatai, jikamtai, waugsa chichatai najanamukesh akuig shiig ukusta, wagkapa nunak papi augbau nagkamnatai ejegawagtatui iwainakagtatus diita jega batsamsa takasbaujin.

§     Namputchauwame utujiamu, katsujam dekapeamu ajutjamkuik utujimtsuk uchigmi jintinkagtinji untsukam iniasta, nigka tuke tsawantai aneaku pujuttawai amina yaimpaktatus, ujapaktatus juu takat emamunum.

SEE KUASHAT

 Jany Gessy Paati Sejekam

Especialista en Educación Inicial

UGEL IBIR Imaza

Juju chicham agagbauk juajui wainmainitme👉PAPI WASUGKAMKI TAKASTIN MUUN UCHIGTIN AIDAUJAI

Este documento lo puedes descargar en el siguiente link 👉PAPI WASUGKAMKI TAKASTIN MUUN UCHIGTIN AIDAUJAI

Es una producción liderada por Fílida Lucinda Ramos Ynga,Especialista en Educación Inicial, en coordinación con las especialistas de UGEL de la DRE Amazonas

Dirección de Gestión Pedagógica

Elver Puerta Salazar

Director